十誡
早幾日睇信報曹仁超嘅專欄，談及蓋茨某次對其員工嘅講話，雖未必全部同意，但亦覺得頗有意思，抄錄如下：
- 社會充滿不公平現象，喺未能改造它之前，只能適應它。
- 世界唔會在意你嘅「自尊」，只指望你「有所成就」！喺未有成就之前，切勿過分強調自尊。
- 中學畢業嘅你唔會成為公司CEO，直到你已將此職位搶到手為止。
- 如你陷入困境，少Ｄ抱怨，反要從中汲取教訓。
- 你出世之前，你嘅父母並非如依家咁乏味，佢地變成今天呢個樣子，係因為要養你、教你及望你成才。
- 今天學校已唔再在乎你「考第幾」，但社會仍作類似區分。
- 讀書時可以放暑假，但打工係唔會分學期，冇人保證你讀完一年書便可以升職兼放暑假。
- 老師會協助你學習，上司卻唔會。如果你認為你嘅老師嚴厲，因你未打過工。上司唔會對你嚴厲，只會令你失業。
- 電視劇唔係真實生活，真實生活係你無暇睇電視。
- 你未做老闆之前，唔好喺別人面前批評你依家嘅老闆刻薄、無知兼缺乏領導才能。
（資料來源：投資者日記／信報財經新聞／2005-11-19）
