讀書都係投資

　
下文節錄自曹仁超的「投資者日記」：

馬克吐溫話，有人未上大學已曉得賺錢本領，有人上大學後反而失去謀生技能！喺經濟已發達嘅社會，讀大學已唔係搵到高薪厚職嘅秘密武器。我老曹十分尊重藝術家，更尊重文學修養高嘅人，但社會好現實！有錢唔係萬能，但無錢萬萬不能。為子女設想，從小教導佢地金錢嘅正確觀念，日後即使佢地想做藝術家，亦毋須為錢而煩惱；就算做文學家，亦要做一個富有的文學家！方法如下：

1. 不要先使未來錢，戒掉亂花錢習慣。
2. 學曉投資之道，明白錢生錢嘅道理。
3. 任何工作都係神聖，包括騎牛搵馬及所有低薪工作。
4. 對人要有禮貌，對長輩要尊重，對後輩要仁慈，唔好自視太高。
5. 年輕之時唔好懶惰。做人一定要先練精後學懶，千萬不可未精先懶。
6. 70％ ICQ都係浪費時間，放棄ICQ三年，年輕人收入平均增加30－80％。
7. 喺你未擁有金錢之前，千萬不可睇唔起金錢，此乃大部分藝術家或文人一世貧窮嘅理由；你要到李實發一樣嘅富有，才可視富貴如浮雲。

（文章來源：信報財經日報2006年4月24日）